Маргааш буюу зургадугаар  сарын 9-ний өдөр манай өмнөд хөрш БНХАУ-д “Луут завины баяр” тохиож байгаа учраас өмнөд хил  дээрх автозамын хилийн боомтууд амарч иргэдийг хилээр нааш цааш зорчуулахгүй юм байна. Харин зургадугаар сарын 10-ны баасан гарагаас хэвийн ажиллах гэнэ.

 “Монгол, Хятадын хилийн боомт, тэдгээрийн дэглэмийн тухай Монгол Улсын Засгийн газар, БНХАУ-ын  Засгийн газар хоорондын хэлэлцээр”-т заасны дагуу ийм шийдвэр гаргажээ. 

Харин энэ өдөр  Монгол, Хятадын төмөр замын боомтууд амрахгүйгээр Олон улсын галт тэрэгний цагийн хуваарийн дагуу иргэдэд үйлчилнэ гэж Иргэний харьяалал, шилжилт хөдөлгөөний ерөнхий газраас мэдээлж байна.