ОХУ-ын Эрүүл мэндийн яам тус улсад 2015 оноос хойш төрсөн бүх хүнийг тамхи хэрэглэхгүй байхаар хориглосон хууль гаргахаар төлөвлөж байгааг сайд Вероника Скворцова хэвлэлийн бага хурал дээр зарласан байна.

Сайд энд “2016-2020 он, түүнээс цаашид тамхины хэрэглээг багасгах төрийн бодлого, үзэл баримтлал болосруулахаар Эрүүл мэндийн яам ажиллаж байна. Үүний гол баримтлал нь бид залуу үеийнхнийг энэ хорт зуршлаас ангижруулахад чиглэж байгаа юм. Энд 2015 оноос хойш төрсөн манай бүхий л иргэнийг  насан туршдаа тамхи хэрэглэгдэггүй болгох зорилт тавьж байна”  гэснийг хэвэлүүд иш татжээ.

ОХУ-д Тамхины эсрэг хууль 2013 олн гарснаар цэнгэлдэх хүрээлэн, бүх шатны сургууль, эмнэлэг, хүүхдийн тоглоомын талбай, онгоцонд тамхи татахыг хориглосон юм. Мөн тамхи худалдаалахад хязгаар тогтоож, тамхийг сурталчлахыг хориглосон байснаа  2014 оны зун зочид буудал, кафе, зоогийн газар, галт тэрэг, нисэх болон галт тэрэгний буудалд тамхи татахыг хориглох заалт нэмж оруулсан юм.

2015 оноос хойш төрсөн хүмүүсийг тамхи татахыг бүрэн хориглох тухай хуулийн тухайд өмгөөлөгч Александр Гришанцев “Росбалт” хэвлэлд яриа өгөхдөө хязгаарлагдмал хориг байж болох юм, түүнээс биш бүрэн хориглож болохгүй гэжээ. Тэрээр “Ийм хориг нь хүмүүсийн эрүүл мэндийн төлөө санаа тавьж байгаа болов ч нөгөө талаас манай Үндсэн хуульд хүний эрх, эрх чөлөөг заагаад өгчихсөн байгаа. Тэгэхээр тамхи татахыг бүрэн хориглоно гэдэг нь хүний эрхийг зөрчсөн болно, тэгээд ч тамхи нь мансууруулах буюу сэтгэцэд нөлөөлөх агуулгагүй зүйл” гэсэн байна.