Оросын иргэдээс авсан саяхны судалгаагаар тэд аль улсыг өөрийн дотно нөхөр, алийг нь гол дайснаа гэж үзэж байгаагаа илэрхийлсэн байна. Тэд хамгийн гол дайснаа АНУ, Украин, Турк гэж нэрлэсэн бол хамгийн дотно найз, түншээ Хятад, Казахстан, Белорус гэжээ.

Оросын иргэдийн бодлоор бол оросын дайсан номер нэг бол АНУ гэж санал асуулгад оролцогсдын 72 хувь нь үзжээ. Хоёрдугаарт орсон Украиныг  оросуудын 48 хувь нь, Туркийг 29 хувь нь дайсан гэж үзсэн байна.

Украинд хандах оросуудын хандлага 2015 оныхоос бүр дордсон нь энэ судалгаанаас харагдаж байна. 2015 онд оросуудын 37 хувь нь украиныг дайсан гэж үзэж байсан бол туркийг оросуудын дөнгөж нэг хувь нь л дайснаа гэж үзэж байжээ.  

Харин оросуудын 50 хувь нь Лукашенко дарангуйлагчтай Белорусыг хамгийн гол түлш, найз нөхрөө гэж үзэж байгаа бол 39 хувь нь Казахстаныг, 34 хувь нь Хятадыг хамгийн дотнын түнш, найз нөхрөө гэж үзэж байгаагаа илэрхийлсэн байна.

Энэ 2016 онд оросуудын найз нөхрийн жагсаалтад Сири улс орж ирэн санал асуулгад оролцогсдын 10 хувийн санал авсан байна. Харин Европын холбоог оросуудын 62 хувь нь тун таагүй гэж бараг дайсан гэж нэрлэсэн бол 24 хувь нь л ОХУ бол Европын холбооны гишүүн байх ёстой гэж хариулжээ хэмээн  ИА REGNUM мэдээлсэн байна.

Харин судалгааг хэзээ ямар байгууллага зохион байгуулж, хэдэн хүнээс авсан болохыг мэдээлээгүй болохоор үнэхээр ийм судалгаа авсан эсэх нь тодорхойгүй эрх баригчдын захиалгаар ийм мэдээлэл тарааж байхыг бас үгүйсгэхгүй юм.