ОХУ-ын Засгийн газар гар айраг, бусад төрлийн ундаанд хуванцар сав ашиглахыг хязгаарлаж, аажмаар хэрэглээнээс хасахаар шийдвэрлэж байгаа юм байна. Судлаачид ийм сав нь ялангуяа согтууруулах төрлийн ундаатай нийлэхээрээ нэгэн төрлийн хорт бодис ялгаруулдаг болохыг баталж байна. Нөгөө талаар ийм хуванцар сав нь шар айрагны хууль бус үйлдвэрлэлийг ихэсгэж татвараас зугтах боломж олгож байгаа гэж үзжээ.

Ийм учраас 1,5 литрийн багтаамжтай хуванцар савыг 2007 оны нэгдүгээр сарын 1-нээс, нэг литрийн савыг 2018 оны нэгдүгээр сараас үйлдвэрлэлд ашиглахгүй байхаар шийдвэрлэж байгаа юм байна.
Ингэж зааг ялгаатай тогтоосон нь ийм савны агуулахад байгаа нөөцтэй холбоотой гэж тайлбарлаж байна.

Хуванцар нь шил, хайлш зэрэг бусад материалаас харьцангуй хямд байдгаас Оросын нийт шар айрагны 90 орчим хувь нь ийм хуванцар савтай гардаг гэсэн судалгаа байдаг юм байна. Тэгээд ч 2,0, 2,5, 3,0, 5,0 литр гээд төрөл бүрийн хэмжээгээр хийж савлахад амар хялбар байдгаас шар айраг үйлдвэрлэгчид ийм савыг хамгаалсаар энэ шийдвэрийг хоёр жил гаргуулахгүй байж дөнгөсөн юм байна.