Санал тоолох автомат машинаас болж зарим нэг хэсгийн хороо 30 минутын дараа санал авч эхэлсэн. Тиймээс санал авах хугацааг сунгана гэсэн мэдээлэл ташаа гэдгийг СЕХ-ны дарга Н.Лувсанжав хэллээ. Сонгуулийн тухай хуульд санал авах хугацааг 07:00-20:00 цагийн хооронд явуулна гэсэн заалттай. Энэ дагуу явах аж. Санал тоолох машинд зарим нэг саатал гарч байгаа тухай ч СЕХ-ны удирдлагууд дурдлаа. Тухайлбал, зарим нэг хэсгийн хорооны дарга кодоо мартсан. Сүхбаатар аймагт л гэхэд сонгогч саналын хуудсаа нугалж хийснээс болж гацсан зүйл гарсан байна. Санал тоолох машины толгойг 500 санал уншуулсны дараа толгойг нь цэвэрлэж байх ёстой  юм байна. Гэвч зарим хэсгийн хороод санал тоолох машины толгойг цэвэрлээгүйгээс болж  санал тоолох машин гацаж байгаа аж.