Америкийн Нью-Йорк хотын парламентын доод танхим Ассамблейн дарга байсан Шелдон Силверийг шүүх авлигын сүлжээ байгуулсан хэмээн 12 жилд хорих ялаар шийтгэлээ. Үүний зэрэгцээ Шелдон  нийтдээ долоон сая долларын нөхөн төлбөр, торгууль төлөх болж байгаа юм. Ардчилсан намын гишүүн энэ хүн Нью-Йоркийн хууль тогтоох байгууллахгыг 20 жил тэргүүлсэн юм байна.

Мөрдөн байцаагчид Шелдон Силверийг албан тушаалаа  хувийн компанийнхаа эрх ашигт ашигласан гэж тогтоожээ. Ганцхан жишээ гэхэд л тэрээр олон нийтийн сангаас 500 мянган доллар авч өөрийн эмч Роберт Таубд талархсаны бэлэг болгон өгч байсан гэнэ. Тэр бас үл хөдлөх хөрөнгийн компаниас их хэмжээний мөнгө авч байжээ.

Силверийн өмгөөлөгчид 72 настай улс төрчийн эрүүл мэндийн байдлыг харгалзажа хөнгөн ял оноохыг хүссэн байна.
1976 онд Нью-Йорк мужийн гишүүнээр сонгогдсон Шелдон Силвер 1994-2015 онд хууль тогтоох байгууллагын  даргаар ажиллаж байсан юм байна. Түүнийг ээлжит сонгуулийн дараа хоёр долоо хоноод баривчилжээ.