Канадын Альберт мужид гарсан ойн түймэр газар авч байгаагаас Форт Макмюррей хотоос 90 орчим мянган хүнийг аюулгүй газарт нүүлгэн шилжүүлэхэд хүрсэн байна. Тэднийг хотоос 20 км газарт байдаг өөр суурин руу шилжүүлсэн нь Альберт мужийн түүхэнд хамгийн олон хүнийг нүүлгэн шилжүүлсэн явдал болж байна.

Түймэр хэдийнээ хотын  зах руу орж орон сууцны хэд хэдэн байшин, чиргүүл сууцны хорооллыг шатаагаад тавдугаар сарын 3-ны орой гэхэд хотын төвд оржээ. Одоо энд 1600 орчим ороно сууц, барилга шатаад байгаа юм байна.

Өнөөдрийн байдлаар нийтдээ 10 мянга орчим  га газрыг хамраад байгаа түймрийг унтраахаар 100 гал сөнөөгч, 12 нисдэг тэрэг, 9 ус тээвэрлэгч онгоц ажиллаж байна.
Таван жилийн өмнө энэ мужийн Слейв Лейк хотод 500 байшин шатааж нийтдээ 742 сая канад долларын хохирол учруулсан түймрийн үеэр долоон мянган хүнийг нүүлгэн шилжүүлж байсан юм.