Үргэлжлэн орж буй хүйтэн борооны улмаас зарим аймгийн нутагт нэлээд олон тооны мал хорогджээ. Тухайлбал Булган аймгийн Хутаг-Өндөр суманд хүйтэн бороо үргэлжилэн орсны улмаас Намнан уулын ард зусаж байгаа малчидын 445 толгой бог мал осгож хорогдсон байна. Мөн Сэлэнгэ аймгийн Баруунбүрэн сумын нутаг, Урт шувуут, бумбат, Бургалдай, Жаргалант гэдэг газруудаар хүйтэн бороо, уулархаг газартаа нойтон цас орсоноос 16 өрхийн 1209 толгой бог мал хорогджээ. Үүний 976 нь хонь, 233 нь ямаа гэнэ. Орхон аймгийн Баян-Өндөр сумын нутгаар мөн л энэ сарын 24-өөс эхлэн орсон хүйтэн борооны улмаас зургаан өрхийн 450 толгой бог хорогдоод байна.