Хятадын Нанкин хотын Анагаах ухааны их сургуулийн хэсэг эрдэмтэн энэ оны сүүлч гэхэд гахайн эд эрхтнийг хүнд шилжүүлэн суулгах судалгааны ажлыг дуусгана  гэж албан ёсоор мэдэгдсэн байна.

Ингэхээр ойрын 2-3 жилд амьтны эрхтнийг шилжүүлэн суулгах туршилтууд хийх юм байна. Шинжлэх ухааны энэ туршилтын удирдагч Дай Ифанийн хэлж байгаагаар бол  юун түрүү гахайн нүдний бүрхэвч, арьсыг авч болох гэнэ. Храин зүрх, бөөр, элэгний хувьд хүнд шилжүүлэн суулгаж болох эсэх талаар дахиад таван жилийн судалгаа шинжилгээний ажил шаардлагатай юм байна.

Гахайн эрхтнүүд нь генетикийн хувьд хүнд шилжүүлэн суулгах бүрэн боломжтой гэж тэд үзэж байна. Хамгийн гол нь тэднийг вирус, нянгаас маш сайн цэвэрлэж эрүүл ахуйн шаардлагад нийцүүлэх ёстой.

Эрдэмтэд ердийн гахайны эсээс авч хүний биед суулгаж туршихад урган төлжиж байсан нь ийм итгэл үнэмшил бий болгожээ.
Хятадын эрдэмтэд одоо гахайг клоны аргаар хувилах туршилт хийж байна. Эрдэмтдийн энэ туршилт амжилттай болбол эрхтэн шижлүүлэн суулгах мэс заслын үнэ өртөг хямдрах юм. Гахайн нүдний бүрхэвч гэхэд л 1500 доллар байгаа гэнэ.