ДБЭТ-ын захирал С.Сэргэлэнгээс энэ жилийн наадмын үйл ажиллагаанд ДБЭТ-аас хэн хэн орохыг тодруулахад тэрээр “Төрийн концертод уран бүтээлээ өргөнө гэдэг нэр төрийн хэрэг. Манайхаас найрал дуучид оролцож байна. Гоцлоочдоос Б.Эрдэнэтуяа, Э.Амартүвшин нар дуулна. Бас балетчин Д.Алтанхуягт санал тавьсан. Энэ жилийн наадам үндэсний хэв шинжид тулгуурласан сэдэвтэй, Төрийн их найрал хөгжимд суурилж байгаа. Монголчуудын зан заншил, ахуйн онцлог түлхүү шингэсэн байх учиртай. Тиймээс Д.Алтанхуягт орчин үеийн бүжгийн элементүүдийг ардын уламжлалт элементүүдтэй хослуулж бүжиглэх санал тавьсан байна билээ. Д.Алтанхуяг бол бэлтгэлээ хийж эхэлсэн. Гэхдээ тийм номер байлгах эсэхийг наадмын комисс шийднэ” хэмээсэн билээ. Энэ жилийн наадмын нээлт, хаалтын ажиллагаа хүн бүрийн сонирхолыг татсан нууц хэвээрээ л байна.