МАХН-ын дарга, Ерөнхийлөгч асан Н.Энхбаярын улс төрийн эрхэнд шүүх болон төрийн бусад байгууллагууд зохион байгуулалттайгаар халдаж байна хэмээн өмгөөлөгч О.Баасанхүү мэдээлэл хийлээ. Тэрээр “Манай намын эсрэг төрийн бүхэл бүтэн машин ажиллаж байна. МАХН-ын рейтингийг унагаах гэж Н.Энхбаярын эсрэг зохион байгуулалттайгаар сөрөг сурталчилгааг хэвлэл мэдээллийн хэрэгслээр маш ихээр явуулж байна” гэв.
МАХН-МҮАН-ын “Шударга ёс” эвслээс МАХН-ын дарга Н.Энхбаярын нэр хүндэд бүдүүлгээр халдаж, гүтлэг тарааж байгаатай холбогдуулан мэдэгдэл гаргасан байна. Уг мэдэгдэлд Н.Энхбаярын нэр төрд халдсан зарим хүнийг цагдаа, тагнуул, Улсын Ерөнхий прокурорын дэргэдэх Мөрдөн байцаах алба, СЕХ-нд шалгуулахаар болсноо дурдсан байв. Хэрэв эдгээр байгууллага тухайн хууль бус үйлдэл хийсэн зарим хүнийг шалгаж, хариуцлага тооцохгүй бол тэднийг МАН, АН-ын гар хөл хэмээн хууль бус үйлдэл, нэр устай нь олон нийтэд зарлана гэдгээ МАХН-МҮАН-ын “Шударга Ёс” эвслийнхэн мэдэгдлээ.