Дархан-Уул аймгийн Ардчилсан холбоо нь анх 1990 онд үүсч байгуулагдахдаа ардчилсан энэрэнгүй хувь хүн, хувийн өмчийг төв болгосон олон үзлийг дээдэлсэн шударга нийгэм байгуулан төр, намын дарангуйллын айдсаас ард түмнээ хамгаалан, шударга ёсны төлөө тэмцэж бий болгосон ардчиллыг хамгаалахын төлөө тэмцэж энэхүү мэдэгдлийг гаргаж байна.

Одоо 1937 он биш. Ард түмэн бас юм ойлгодог, буруу зөвийг ялгадаг болсон энэ үед мөнгөний үнэрт мансуурах мунхаг эх орончдын хар балаг хэрээс хэтэрч улс төрийн дарангуйлалд гэмгүй иргэд өртсөөр байгаад эсэргүүцлээ илэрхийлж мэдэгдэл гаргаж байна.

Өнөөдөр монголчууд бид жинхэнэ Ардчилсан шударга дэг журмаар бус улс төр, бүлгүүдийн хавчин гадуурхалт, хэлмэгдүүлэлтэд өртөж байна. Энэ бол тэртээ 1990 онд бидний хүсч, тэмүүлж, зорьж байсан “АРДЧИЛАЛ” биш гэдгийг хариуцлагатайгаар мэдэгдэж цаашид ийм байдалтай эвлэрэхгүй, тууштай тэмцэхээ үүгээр илэрхийлж байна.