ЦЕГ-ын Хэвлэл мэдээллийн төвийн дарга Б.Баатархүү өнөөдөр сэтгүүлчдэд мэдээлэл хийлээ.
Тэрбээр, "Гадуур хоёр өөр хэргийг хооронд хольсон буруу мэдээлэл яваад байна. Анх цагдаагийн байгууллагад шалгагдаж байсан шинэ төмөр замын хэргийг харьяалал тогтоон АТГ-рүү шилжүүлсэн бөгөөд одоо шалгагдаж байгаа.

Харин Сайншанд Аж үйлдвэрийн цогцолбортой холбоотой хэргийг цагдаагийн байгууллага дангаараа шалгаж байгаа. Тус хэрэгт холбогдуулан, Иргэн Э-г Төв аймгийн Лүн сумаас баривчилж саатуулсан.

Мөн УИХ-ын гишүүн Х.Баттулгын туслах Л.Түвшинжаргалыг Эрүүгийн хуулийн 148.4-т заасан онц ноцтой гэмт хэрэгт холбогдуулан шалгаж байгаа. Түүнийг хорьсонтой холбоотой зарим улстөрч эмэгтэйчүүдийн зүгээс акц үзүүлээд байгаа бөгөөд хөхүүл хүүхэдтэй хүнийг хорилоо гэсэн шүүмжлэлийг гаргах боллоо. Бид түүнийг суллахгүй, гэхдээ, ар гэрийнхэнтэй нь уулзуулах хүсэлтийг энэ сарын 21-нд өмгөөлөгч нь гаргасны дагуу өнөөдөр зөвшөөрлийг нь хүлээж авсан бөгөөд ар гэрийнхэнтэй нь уулзуулахаар болсон” гэлээ.