Сүүлийн үед УИХ-ын гишүүн Х.Баттулгын туслахуудыг барьдаг моод Монголын хууль хүчний байгууллагынхны дунд дэлгэрээд байна гэлтэй. Тэр дундаас хөхүүл хүүхэдтэй эмэгтэйчүүдийг барьч хорьж байгаа нь нийгмийг цочирдуулаад байгаа юм. Хэн хүнийг сэрд хийлгэм энэ үйлдэл нь УИХ-ын эмэгтэй гишүүдийг ч хүчний байгууллагуудын эсрэг тэмцэхэд хүргээд байгаа юм. Хамгийн сүүлд л гэхэд УИХ-ын гишүүн Л.Эрдэнэчимэг ЦЕГ-ын дарга Р.Чингист Х.Баттулгын туслах Г.Түвшинжаргалыг барьж, хорьсонтой холбоотойгоор хөхүүл хүүхэдтэй эмэгтэйг яаралтай суллахыг шаардсан юм.
Түүнчлэн хүчний байгууллагынхны энэ ажиллагааг дагаад коментчид хийгээд хэн бүхний мэддэг "цалинтай" жиргээчдийн бүлгийнхэн хуурамч өөр хаяг нээн дайралтаа эрчимтэй эхлүүлээд байна. Ер нь иймэрхүү зохион байгуулалттай мэссэж нийгэмд тараах ажил Н.Энхбаяр, Н.Алтанхуяг гээд олон улстөрчдийн эсрэг үйл ажиллагаа явуулсан гэж жиргээчдийн дунд яригддаг юм.