Нийслэлд хэд хоногийн өмнө орсон хүчтэй аадар борооны улмаас Дарь-Эх, Баянхошууны айлууд үерт автсан. Дарь-Эхийн шинэ буудлын орчимд буюу Баянзүрх дүүргийн 21 дүгээр хорооны нутагт гэнэтийн үер буусны улмаас 15 айлын хашаа нурж, таван айл үерт авсан юм. Тиймээс тус дүүргийн Засаг даргын тамгын газар, дүүргийн эмнэлгээс 21, 27 дугаар нутаг дэвсгэрт ариутгал халдваргүйжүүлэх ажил хийж байна. Ариутгалын ажлыг энэ сарын 21-нээс эхэлсэн бөгөөд өнгөрсөн хугацаанд 150 гаруй айлын хашаа, гудамжийг зориулалтын бодисоор ариутгаад байгаа гэнэ.