УИХ-ын гишүүн Х.Баттулгын туслахаар ажиллаж байсан Г.Түвшинжаргал энэ сарын 15-ны өдөр Цагдаагийн ерөнхий газрын Эдийн засгийн гэмт хэрэгтэй тэмцэх тасгийн ажилчид баривчилж, Шүүхийн шийдвэр гүйцэтгэх Ерөнхий газрын харьяа Цагдан хорих 461 дүгээр ангид саатуулсан талаар бид мэдээлсэн.

Тэгвэл өнөөдөр “Түмэн хишигтэн”-гийн захирал Ш.Эрдэнэтуяаг 04.00 цагийн орчимд гэрээс нь баривчилсан байна. Тэднийг улсаас их хэмжээний мөнгө шамшигдуулсан, мөнгө угаасан хэргээр зүйлчилсэн гэж эх сурвалж мэдээллээ.

Энэ хэрэгтэй холбогдуулан тэднийг хорих эсэхийг шийдэх шүүх хурал яг одоо Баянзүрх дүүргийн шүүхт болох гэж байна. Шүүх хуралд УИХ-ын гишүүн Х.Баттулга оролцож буй аж.

Ш.Эрдэнэтуяагийн нөхөр Н.Мөнхбаатарын мэдээлж буйгаар "Энэ сарын 16-ны өдрийн 12:00 цагт цагдаагийнхан ирж 2 цаг хэртэй нэгжлэг хийсэн. Прокурорын нэгжлэг хийх зөвшөөрөл үзүүлсэн ч гэрчгүйгээр нэгжсэн" гэжээ.