Боловсролын үнэлгээний төвөөс баталсан ЭЕШ-ын хуваарийг дахин танилцуулж байна. Шалгалтын бүртгэл хоёрдугаар сарын 15-наас орон даяар эхэлсэн бөгөөд ирэх сарын 25-ны 18:00 цагт дуусна. Харин шалгалт  ирэх зургадугаар сарын 15-19-нийг хүртэл үргэлжлэх аж. Энэ жил ЕБС-ийг 36207 сурагч төгсч байгаа бөгөөд өнгөрсөн жилийн төгсөгчидтэй нийлээд 40 мянга гаруй сурагч ЭЕШ өгөх юм. ЭЕШ ирэх зургадугаар сарын 15-нд 12:00-13:40 цагт Монгол хэл бичгийн шалгалтаар эхэлнэ. 06 дугаар сарын 16-нд 10:00-11:20 цагт Монгол улсын түүх, 13:00-14:40 цагт Хими, 16:00-17:20 цагт Англи хэл, 06 дугаар сарын 18-нд 08:30-09:50 цагт Газар зүй, 11:30-13:10 цагт Математик, 14:30-15:50 цагт Биологи, 17:00-18:20 цагт Монгол хэл, 06 дугаар сарын 19-нд 08:00-09:40 цагт Физик, 11:30-12:50 цагт Нийгмийн тухай мэдлэг, 14:20-15:40 цагт Орос хэлний шалгалт тус тус авна.