Анагаахын шинжлэх ухааны үндэсний их сургуульд монголын уламжлалт анагаах ухааны музей нээнэ.

Энд төрөл бүрийн өвчнийг монголын уламжлалт аргаар эмчлэх олон тооны ном судар, зүү тавих, төөнөх болон эмчилгээний бусад арга зарчмууд, багаж хэрэгслийг тавих юм байна.

Ардын уламжлалт эмчилгээнд хэрэглэдэг байсан зүү, төөнүүр, цус ханах зэрэг хэдэн мянган жилийн өмнө хэрэглэж байсан багас зэвсгүүдийг тавих гэнэ.

Үүний зэрэгцээ музей үзэгчид эртний монгол эмч нарын хэрэглэж байсан 50 гаруй ном судар, 300 орчим эмийн ургамал, 700 гаруй багажийг үзэх юм байна.

 Судлаачдын үзэж байгаагаар бол монголын уламжлалт анагаах ухаан нь таван мянга гаруй жилийн түүхтэй юм. Монголын уламжлалт анагаах ухааны энэ аргуудыг өнөө ч гэсэн Хятад, Түвдэд ашиглаж байгаа юм.