Одоогоос 19 жилийн өмнө 1997 оны наймдугаар сарын 5-нд нийслэлийн Баянзүрх дүүргийн нутгаас цагдаагийнхан хутганы дөрвөн шархны улмаас нас барсан 32 настай эрэгтэй цогцос олсон ч алуурчныг олоогүй:. Харин сэжигтнийг эрж хайсаар өнөө хүрчээ.

Гэтэл  Нийслэлийн цагдаагийн газрын Онц ноцтой гэм хэрэг мөрдөх албаныхан гэмт хэрэгтнийг эмэгтэй хүн болохыг нь тогтоон 1975 онд төрсөн Б гэгчийг өнгөрсөн хоёрдугаар сарын 27-ны өдөр Туркийн нисэх онгоцны буудлаас баривчилсан байна.

Тэрээр сүүлийн хэдэн жил Туркт амьдарч байгаад эх орондоо буцах гэж байжээ. Энэ эмэгтэй 2000, 2015 онуудад хүйтэн зэвсэг ашиглан бусдад халдсан хэмээн шийтгүүлж байсан гэнэ.