Улсын хэмжээнд 2012 оны УИХ-ын сонгуульд ашиглахаар сая 930 мянга 782 саналын хуудас хэвлэжээ. Эдгээр саналын хуудсыг 1908 хэсгийн хороонд хуваарилах юм байна.
УИХ-ын сонгуулийн тухай хуульд “СЕХ нь саналын хуудсыг эрхлэн хэвлүүлж, тойргийн хороонд, тойргийн хороо нь салбар хороогоор дамжуулан санал авах өдрөөс тав хоногийн өмнө хэсгийн хороонд албан ёсоор хүлээлгэн өгнө”, “Хэсэгт саналын хуудас хүлээн авснаас хойш санал авах байрыг цагдаагийн хамгаалалтад авна” гэж заалтыг өнөөдрөөс хэрэгжүүлж эхэллээ. Цагдаагийнхан ч сонгуулийн үеэр санал авсан хайрцаг, битүүмжилсэн савыг хэрхэн хамгаалах, болзошгүй нөхцөлд хэрхэн ажиллах талаар сургалтад хамрагдсан гэнэ. Өөрөөр хэлбэл, тэд өнөөдрөөс санал авах байруудыг хамгаалалтад авчээ.