Монголын эдийн засаг өнгөрсөн 2015 онд 2009 оноос хойш хамгийн бага өсөлттэй гарлаа, энэ нь хөрөнгө оруулагчидтай хийсэн маргаан, түүхий эдийн үнийн уналтаас боллоо гэж Bloomberg дүгнэсэн байна.

2015 оны урьдчилсан дүнгээр Монгол Улсын Дотоодын нийт бүтээгдхүүн 2,3 хувиар өссөн байна. Харин 2014 онд 7,8 хуваир өсч байсан юм.

Дэлхийн зах зээл дээр түүний эдийн үнэ унасан нь хамгийн гол шалтгаан болж байна гэж үзэж байна.
2015 онд Монгол Улс 3,68 тэрбум долларын түүний эд гадаадад гаргасан нь 2014 оныхоос 23 хувиар бага буюу 4,79 тэрбум доллараар багасчээ. Гэтэл уул уурхайн түүхий эд нь тус орны экспортын 79 хувь болж байгаа юм.
Экспортод гаргадаг нүүрсний үнэ унасан нь өнгөрсөн онд 849 сая доллар олж байсныг бодоход энэ жил дөнгөж 555,9 сая долларын орлого олжээ.
Зэсийн экспортын орлого ч бас л 2,57 тэрбум доллар байсан бол 2015 онд 7,2 хувиар унаж 2,28 тэрбум доллар болж буурсан байна.

Дотоодын нийт бүтээгдхүүний хэмжээ буурсны өөр нэг гол шалтгаан нь гадаадын хөрөнгө оруулалттай шууд холбоотой гэнэ.

Монголд орж ирдэг гадаадын шууд хөрөнгө оруулалт 2015 онд өмнөх оныхоосоо 39 хувиар унаж 232 сая доллар болжээ. Энэ бол 2012 оноос эхлэн австралийн Rio Tinto компанитай алт зэсийн Оюутолгойн ордыг ашиглах талаар ойлголцохгүй байснаас үүдэлтэй.
2015 оны сүүлчээр Монгол Улсын Засгийн газар, австралийн энэ компанитай гүний уурхай ашиглах талаар 4,4 тэрбум долларын гэрээ байгуулж энэ оноос ашиглахаар хэлэлцээр байгуулсан юм гэж Bloomberg тэмдэглэжээ.