Бурханы үнэнч шавь, хувраг хүний дэг ёсыг жинхэнээр нь баримтлагч Монгол хувилгаан Зава Дамдин ринбүчи жил бүр сүсэгтэн олонд үнэгүй ном айлдаж дээдийн буян үйлддэг уламжлалтай. Энэ удаад тэрбээр Бурханы шашныг дээдлэгч сүсэгтнүүдэд Зэндмэнэ Эрдэнийн Ногоон Дарь Эхийн авшиг соёрхохоор болжээ. Номын гэгээн хишиг түгээх энэхүү үйл ажиллагаа гал бичин жилийн хаврын тэргүүн сарын шинийн 6 буюу европ тооллоор 2016 оны хоёрдугаар сарын 14-ний өдрийн 12 цагт Монгол бөхийн өргөөнд эхлэх юм байна.