“Цагдаагийн ар гэрийн холбоо” ТББ-ын тэргүүн Ж.Алтангэрэл, Сүхбаатар дүүргийн шүүхээс ял сонссон цагдаагийн экс дарга нарын ар гэрийнхэн болон үймээний үеэр бэртэж нас барсан цагдаагийн ар гэрийнхэн өчигдөр мэдээлэл хийлээ. Тэд өөрсдийгөө хохирогч хэмээн үзэж  тус бүр 50 сая төгрөг нэхэмжлэхээр болсноо мэдэгдсэн юм. 

“Долдугаар сарын 1”-ний үймээний үеэр цагдаагийн байгууллагын 530 орчим албан хаагч бэртэж, гэмтсэн. Тэднээс гурав нь амиа алдаад байгаа.  Амиа алдсан цагдаагийн ажилтан Д.Эрдэнэ-Очирын гэргий Т.Ганчимэг “Долдугаар сарын 1-ний үймээний үеэр нас барсан таван хүний ар гэрийнхэн хохирсон гэж шүүхээр хэрэг шийдвэрлүүлж, төр засгаас тэтгэмж авдаг юм байна. Бид ч гэсэн адилхан хохирогч. Тиймээс “Цагдаагийн ар гэрийн холбоо” ТББ-тай хамтарч төр засгаас 50 сая төгрөг нэхэмжилнэ” гэв.