Цэцэрлэг, сургууль бүр өөрсдийн гэсэн эмчгүй байсан нь саяхан болж өнгөрсөн  “Эрүүл хүүхэд” аянаар яах аргагүй анхаарал татсан асуудлын нэг байсан. Тиймээс БСШУЯ-ныхан сургуулийн өмнөх боловсрол олгодог цэцэрлэгүүдэд эмч ажиллуулах асуудлаар судалгаа хийжээ. Судалгаагаар улсын хэмжээнд төрийн өмчийн 734 цэцэрлэг байгаагийн 20.2 хувьд нь эмч ажиллаж байсан аж. Тэдгээрийн 13.4 хувьд нь  хүүхдийн эмч ажиллаж байжээ. Уг судалгааны дүнд үндэслэн БСШУ-ы сайд, Эрүүл мэндийн сайдын хамтарсан тушаалаар ажлын хэсэг байгуулан цэцэрлэгт эмч ажиллуулах асуудлыг шийдвэрлэхээр болжээ.