Монгол Улс, ОХУ-д төлөх ёстой өрөө барагдуулсны дараагаар дахиад их хэмжээний рублийн зээл авахаар хүсч магадгүй гэж ОХУ-ын Сангийн дэд сайд Сергей Сторчак мэдэгдсэн байна.
Мягмар гарагт болсон ОХУ-ын Төрийн думын Санхүүгийн зах зээлийн байнгын хорооны хуралдаанаар 2010 оны арванхоёрдугаар сарын 14-ний өдөр Москвад зурсан хэлэлцээрийн дагуу Монгол Улсаас ОХУ-д төлөх өрийг барагдуулах тухай асуудлыг хэлэлцсэн байна.
“Хамгийн гол нь өмнөх өрийг барагдуулах тухай яриа байна. Монгол Улс биднээс аль хэдийнээс эхлээд их хэмжээний рублийн зээл хүсч байгаа. Тэгэхээр өмнөх өрөө барагдуулбал шинээр хэлэлцээр хийж болох юм” гэж Сторчак Байнгын хорооны хуралдаан дээр хэлжээ.
Тэр бас Орос төсвийн хязгаарлагдмал нөхцөлд байгаа болохоор хэдийгээр тэд өмнөх өрөө барагдуулж үүргээ биелүүлсэн ч гэсэн энэ онд гадаад орнуудад шинээр зээл өгөхөө түр азнаж байгаа гэж тэр даваа гарагт мэдэгдсэн юм.  
ОХУ-ын Засгийн газар Монгол Улсаас орост төлөх өрийг барагдуулах тухай хэлэлцээрийн төслийг 2015 оны арваннэгдүгээр сарын сүүлчээр Төрийн Думд өргөн барьсан юм. Энэ баримт бичигт тусгаснаар бол 2010 оны арванхоёрдугаар сарын 14-ний байдлаар Монгол Улсаас ОХУ-д төлөөгүй үлдсэн өр нийтдээ 174,2 сая ам.доллар байгаа, бүгд хугацаа хэтэрсэн зээл юм байна.
2010 оны арванхоёрдугаар сард ОХУ, Монгол Улсын хэлэлцээрээр монголын төлөх нийт өрийн 97,8 хувийг чөлөөлсөн юм.