Европын сэргээн босголт, хөгжлийн банк өнгөрсөн 2015 онд Төв Азийн бүс нутагт нийтдээ 1,4 тэрбум еврогийн хөрөнгө оруулснаас Монгол Улсад 467 сая еврогийн хөрөнгө оруулсан нь өмнөх 2014 оныхоос бараг дөрөв дахин их байна. 2014 онд тус банк Моонголд 117 сая еврогийн хөрөнгө оруулж байсан юм.

Төв Азийн орнуудад тус банк 2014 онд 71 төсөлд 803 сая еврогийн хөрөнгө оруулж байсан бол 2015 онд 1,4 тэрбум еврогоо нийт 82 төсөлд оруулсан байна гэж тус банкны хэвлэлийн алба мэдээлжээ.
Европын сэргээн босголт, хөгжлийн банк өнгөрсөн онд Казахстанд 708,6, Тажикстанэд 166, Киргизэд 48,6, Туркменд 11,9 сая еврогийн хөрөнгө оруулсан байна.