Дорноговь аймгийн Сайншанд сумын Зүүнбаян багт 758.0 сая төгрөгийн өртөгтэй спорт цогцолбор ашиглалтад орлоо.

Энэ цогцолборыг  аймгийн орон нутгийн хөгжлийн сангийн хөрөнгөөр “СНТ ГРУПП” ХХК гүйцэтгэн ашиглалтанд хүлээлгэн өгсөн байна. 

Дорноговь аймаг өсвөр үе, залуучуудын дунд биеийн тамир спортыг хөгжүүлэх, шилдэг баг тамирчдад дэмжлэг үзүүлэх, спортын төв, цогцолборыг шинээр барих, их засвар хийх зэргээр хүүхэд залуучуудын чөлөөт цагаа зөв боловсон өнгөрүүлэх ая тухтай орчин бүрдүүлэх талаар бодлогын баримт бичигт тусган амжилттай хэрэгжүүлж байгаа юм.

2015 онд тус аймаг 5 цэцэрлэг, 2 спорт талбай, 320 хүүхдийн нэг сургууль, спортын хоёр  цогцолбор шинээр барьж ашиглалтад аваад байгаа юм.