Британи эр Янник Ридийн хүү нь сургуульдаа явахдаа гарцгүй газраар зам хөндлөн гарах шаардлагатай болж сэтгэл зовоодог байж. Эцэг эхчүүд нийлээд хотын эрх баригчдад хандан замын тэр хэсэгт явган хүний гарц хийж өгөхийг хүссэн ч зардал байхгүй хэмээн татгалзсан хариу сонсчээ. Эцэст нь багачуудын аюулгүй байдлын төлөө Янник ердөө 50 фунт стерлинг зарчуулаад зөөврийн гарц хийж. Ердөө үүргэвчинд багтах энэ “гарц”-аа тэрээр сургууль  цуглах, тарахад ашиглаад л  хурааж авдаг байна. Эцэг эхчүүд ч үүнд нь талархалтай хандаж байтал хэвлэлийнхэн үүнийг нь сонирхож улмаар эрх баригчид яг тэр газарт нь явган хүний гарц хийхэд хүрсэн байна.