Орхон аймгийн Баян-Өндөр сумын Баянцагаан багт таван хүн халдлагад өртөж, хоёр иргэн амиа алдсан харамсалтай хэрэг гарсан. Гэмт хэргийг 1988 онд төрсөн Булган аймгийн Хангал сумын харьяат Э гэгч үйлдсэн байна. Э нь хэргийг үйлдээд Эрдэнэт хотоос 80 орчим км газар холдон орогнож байсныг аймгийн цагдаагийн алба хаагчид шуурхай ажиллан баривчилжээ. Одоогоор саатуулан шалгаж байгаа аж.

Гэмт этгээд нь 81 настай эмэгтэй болон 9 настай Э нарыг зэвсгийн чанартай зүйлээр амь насыг нь хохироосон. Мөн таван настай 2 хүүхэд хөнгөн гэмтсэн бол 25 настай эмэгтэй Х гэгч нь тархиндаа хүнд гэмтэл авсаны улмаас аймгийн нэгдсэн эмнэлэгт хагалгаанд ороод байгаа аж.

Мөрдөн байцаалтын ажиллагааг эхлүүлэхэд гэмт этгээд нь хоорондын таарамжгүй харьцаанаас гэмт хэргийг үйлдсэн нь тогтоогдоод байна. Э нь эмнэлэгт хүргэгдээд буй 25 настай Х гэх эмэгтэйтэй дотно харьцаатай байжээ.