ЭЕШ дууссантай холбогдуулан хүүхдүүд их, дээд сургуулиудын босго оноо, сургалтын төлбөрийг нь ихэд сонирхох болжээ. Энэ жилийн хувьд сургуулиудын элсэлт УИХ-ын сонгуультай давхцаж байсан учир хугацааг нь ирэх сарын 1 болгож хойшлуулсан байгаа. Мөн элсэгчдийн шалгалтын оноо, дүн нь ирэх сарын 1-нд гарч, дүнгийн батламжийг нь ирэх сарын 3-ны дотор тараахаар болсон. Тиймээс ирэх сар хүртэл хүүхдүүд санаа амар байж болох нь. Харин сургалтын төлбөрийн тухайд ирэх сараас өмнө их, дээд сургуулиудын захирлууд гаргаж өгнө гэдгээ мэдэгдээд байгаа юм.