Батлан хамгаалахын сайд Ц.Цолмон Төв аймгийн Алтанбулаг сум дахь Сургалтын нэгдсэн төвд цэргийн мэргэжлийн бэлтгэлд хамрагдсан "Оюутан цэрэг"-үүдийн сургалттай танилцлаа. Энэ жил “Оюутан цэрэг” хөтөлбөрт 66 их, дээд сургуулийн 1000 гаруй оюутан хамрагдаж мэргэжлийн сургалт явуулж байна. Цэргийн мэргэжлийн бэлтгэл сургалт энэ сарын 12-нд Чингисийн талбайд тангараг өргөн хаалтаа хийнэ. “Оюутан-цэрэг хөтөлбөр”-ийг хэрэгжүүлснээр Зэвсэгт хүчний дайчилгааны бэлтгэл үүрэгтний нөөц нэмэгдэж, улс орноо батлан хамгаалах иргэдийн бэлтгэл сайжирч, их дээд сургууль төгсөгчид төрийн албанд ажиллах нөхцөл бүрдэх юм. Мөн оюутан залуус их дээд сургуульд суралцах хугацаандаа цэргийн ерөнхий бэлтгэл, цэргийн тусгай бэлтгэл сургалтад хамрагдах замаар цэргийн жинхэнэ албыг биеэр хаах боломж бүрдэж байгаа нь энэ.
“Оюутан цэрэг” хөтөлбөрт 2014 онд 418 оюутан хамруулан бэлтгэж, цэргийн тангараг өргөж байсан бол энэ жилийн хувьд хамрагдах оюутнуудын тоо эрс өсчээ.