Н.Энхбаярыг нэр дэвших боломжгүй гэдгийг СЕХ зарласан. УИХ-ын сонгуулийн тухай хуулийн 27.5.2 заалтыг үндэслэж экс Ерөнхийлөгчийг дэвшүүлээгүй гэнэ. Уг заалтад дурдсанаар “Тухайн нэр дэвшигчийн УИХ-ын гишүүн байх мэдлэг, боловсрол, туршлага, ур чадвар, эх орон, ард түмний тусын тулд оюун ухаан, хүч хөдөлмөрөө зориулж, Монгол Улсын тусгаар тогтнол, бүрэн эрхт байдлыг хамгаалан бэхжүүлэх төгс эрмэлзэл, шударга ёс, хууль дээдлэх ёс, УИХ-ын гишүүний ёс зүйн хэм хэмжээг сахин биелүүлэх чадварыг харгалзан үзнэ” гэсэн байдаг. Тэгэхээр дээрх шаардлагуудыг Н.Энхбаяр биелүүлж чадахгүй гэж СЕХ үзсэн бололтой. Н.Энхбаярын хувьд мэдлэг боловсролоороо гологдох хүн биш. Харин оюун ухаан, хүч хөдөлмөрөө ард түмэнд зориулж чадах эсэхэд нь л СЕХ эргэлзсэн бололтой.