Монгол Улсад гэрэл зургийн албан байгуулагдсаны 80 жилийн ойг тохиолдуулан нийслэлийн Засаг даргын Тамгын газрын дэмжлэгтэйгээр Монголын Гэрэл Зурагчдын Нэгдсэн Холбооноос мэргэжлийн олон гэрэл зураг сонирхогчдын дунд “Нийслэлийн өөрчлөлт миний дуранд” сэдэвт гэрэл зургийн уралдаан зарлалаа. Тус уралдаан нь Улаанбаатар хотод сүүлийн жилүүдэд хийсэн томоохон бүтээн байгуулалт, өөрчлөн шинэчлэлтийн бодит дүр төрхийг гэрэл зургийн хэлээр тод томруун харуулж, олон нийтэд сурталчлан таниулах зорилготой юм. Оролцогчид нийслэл хотынхоо өнгөрсөн, одоо үеийг харьцуулан харуулахдаа 2012 оноос хойшхи хийгдсэн бүтээн байгуулалт, өөрчлөлтийг гэрэл зургийн дуранд буулгах бөгөөд фото сурвалжлагын төрлөөр оролцож болно.
Уралдаанд оролцох мэргэжлийн болон гэрэл зураг сонирхогчид бүтээлээ 2015 оны 09 дүгээр сарын 05-ны өдрөөс өмнө Монголын Гэрэл Зурагчдын Нэгдсэн Холбооны mongolianphotographers@gmail.com хаягаар ирүүлнэ.
Гэрэл зургийн бүтээлд дараахь шаардлагыг хангасан байна.

Шилдэг гэрэл зургийн бүтээлийн Тэргүүн байр 1,5 сая төгрөг, Дэд байр 1 сая, Гутгаар байр 600 000 төгрөгөөр шагнаж Тусгай байранд 3 хүн шалгаруулна. Уралдаантай холбоотой дэлгэрэнгүй мэдээллийг 99091754, 99881159 дугаараас авах боломжтой гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.