Сурган хүмүүжүүлэгч багш эмэгтэйчүүд нэгдэн “ИНЭЭЖ БУЙ НАРХАН” төслийг хэрэгжүүлэхээ зарлаад байна. Тэд энэ ажлаараа амьдралын боломж, бололцоо муу айлын 1000 хүүхдийг энэ зун үнэ төлбөргүйгээр “Сэлбэ” зусланд амраахаар зорьжээ.

Өнөөдөр нийслэлийн хэмжээнд дунд сургуульд суралцаж байгаа 300 орчим мянган хүүхдийн 25 мянга орчим нь л хүүхдийн зусланд амарч чаддаг байна. Гэхдээ энэ бол төлбөрийн чадвартай айл өрхүүдийн хүүхдэд олгогдож байгаа боломж. Тиймээс төслийг санаачлагчдын зүгээс урьд өмнө зусланд амарч үзээгүй 9-14 насны 1000 хүүхдийг хамруулах аж.

Багш нарын санаачлага хэдий сайхан ч өнөө л хөрөнгө мөнгөний асуудал тулгараад байгаа аж. Тиймээс Монголын улс төр, бизнес, урлаг спортын нэр хүндтэй хүмүүсийг “ИНЭЭЖ БУЙ НАРХАН” төслөө дэмжихийг уриалж байгаа гэнэ. Одоогоор тэдний энэ ажлыг дэмжиж ZALUU.COM, MONGOLCOM.MN, JIRGEE.MN, TOMAMJILT.COM, GOOMARAL.MN, KAKA.MN, UTMA.MN, АSSA.MN сайтууд нэгдээд байгаа юм.

Хэрэв та сайхан сэтгэл гаргаж ИНЭЭМСЭГЛЭЛИЙГ ДАВАЛГААЛУУЛАХЫГ хүсвэл доорхи хаягаар холбогдоорой.

Утас: 99996064,         beam_shcool@yahoo.com
Хандивын данс:         ХААН БАНК- 5065154700
                                 ТӨРИЙН БАНК- 106600155181- “ИНЭЭЖ БУЙ НАРХАН”