Улаанбаатар хотод Азийн Залуучуудын Зөвлөлийн XIII Ерөнхий Ассамблей зохион байгуулах гэж байгаатай холбогдуулан Монголын Залуучуудын Холбоо Нийслэлийн Захирагчийн Ажлын албаны Тохижилт, хог хаягдлын удирдлагын хэлтэст хүсэлт тавьж бүх нийитийн цэвэрлэгээ хийх болжээ. Хүсэлтийн дагуу өнгөрсөн сарын 14-нд бүх нийтийн цэвэрлэгээ хийж, ААН байгууллагууд  идэвхтэй оролцсон бол ирэх 20-ны өдөр дахин их цэвэрлэгээ хийх төлөвлөгөөтэй байгаа юм байна. Түүнчлэн өнгөрөгч долоо хоногоос эхлэн хотын гудамж талбайг угааж эхэлсэн байна.  Өглөөний 06.00 цагаас шөнийн 23.00 цаг хүртэл бороожуулагч машин хотын гол замууд болох 72 гудамжийг угааж байгаа гэнэ. Мөн Чингисийн талбайг даваа, пүрэв гарагт өглөө 08.00 цагаас угааж, цэвэрлэдэг болжээ.