Цөмийн энергийн газрын  дарга С.Энхбат намайг албан тушаалаас хууль эрх зүйн үндэслэлгүй огцрууллаа хэмээн шүүхэд өргөдөл гаргасан. Ингээд Сүхбаатар дүүргийн шүүх энэ заргыг хэлэлцээд “Засгийн газрын шийдвэр хууль эрх зүйн үндэслэлгүй байна” гэсэн шийдвэр гаргасан. Засгийн газар давж заалдах шатны шүүхэд гомдол гаргасан билээ. Энэ хэргийг Нийслэлийн шүүх өчигдөр хэлэлцээд анхан шатны шүүхийн шийдвэрийг хэвээр баталжээ. С.Энхбатыг Засгийн газрын 2012 оны нэгдүгээр сарын 18-ны өдрийн 21 тоот тогтоолоор ажилаас нь чөлөөлжээ. Гэвч түүнийг  хууль бусаар чөлөөлсөн нь дахин нотлогдсон байна.