Зэрлэг гахайнууд хотын нь гудамжаар чөлөөтэй зугаалж яваад сэтгэл зовж байгаагаа Латвийн нийслэл Рига хотын мэр Нил Ушаков хэсэн байна. Зэрлэг гахайн сүрэг эхлээд хотын Югла дүүрэгт явж байсан бол одоо хотын хэд хэдэн оршуулгын газраар хөлхөх болжээ.
“Эхлээд 12 гахайтай сүрэг Югла дүүргийн нутгаар явж байсан. Сүүлийн өдрүүдэд оршуулгын газраар хөлхөх боллоо. Саркандаугавын болон Ойн оршуулгын газарт явж байхын хүмүүс харсан. Тэд бүр оршуулгын газрын гүнд Латвийн анхны ерөнхийлөгч Чакстын хөшөө хүртэл явжээ” гэж Ушаков яриад “Энэ бүхнийг одоо яах вэ гэдэг тулгамдсан асуудал болоод байна. Шарилуудын дундуур зэрлэг гахай явж байгаа чинь яав ч хэвийн биш зүйл” гэж онцолжээ.

Ушаков нутгийн анчдаас тусламж гуйж гахайнуудыг нойрсуулах сумаар буудаж, дараа нь хотоос гаргаж болох уу гэж хүссэн байна.
“Зэрлэг гахайнууд хотын иргэд, амьтдад аюул учруулж байна” гээд “Гахайг нойрсуулагчаар буудахад таван км орчим яваад л унтана. Энэ хугацаандаа ямар ч аюулгүй. Оршуулгын газрын эргэн тойронд таван км газар бол хотын зах шүү дээ” гэжээ.
Рига хотынхон 2010 онд бас ойн “зочид”-той тэмцэх хэрэг гарч байсан юм. Тэгэхэд хотын усны сувагт минж орж ирээд эргийн бэхэлгээ, болон моднуудыг мэрж төвөг учруулж байжээ.