АНУ-ын ерөнхийлөгч Барак Обама, гэргий Мишель хоёр өнгөрсөн 2014 онд 477,4 мянган долларын орлоготой ажиллажээ. Тэд өнгөрсөн онд  93362 доллар татварт төлсөн байна. Мөн орлогоосоо 70,7 мянган долларыг буяны үйлст зарцуулснаа хөрөнгө орлоын мэдүүлэгтээ бичсэн байна.

Америкийн цэргийн албан хаагчид, тэдний гэр бүлийнхэнд эмнэлгийн тусламж үзүүлдэг Fisher House санд тэд 20 мянган ам долларын хандив өргөжээ.
Харин АНУ-ын дэд ерөнхийлөгч Жозеф Байдан түүний эхнэр Жилл хоёр өнгөрсөн онд 388,8 мянган долларын орлоготой ажилласан гэж хөрөнгө орлогын мэдүүлэгтээ бичсэн байна. Холбооны татварт тэд 90,5 мянган ам доллар төлсөн бол буяны санд 7,3 мянган доллар зарцуулжээ.
АНУ-ын ерөнхийлөгч Барак Обама өнгөрсөн онд анх америкийн ерөнхийлөгч болж байсан 2008 оныхоосоо тав дахин бага орлого олсон байна.

Хэрэв манай ерөнхий сайд байсан С.Баярын АНУ дахь долоон сууцны үнэ нь 24 орчим сая ам.доллар юм бол дэлхийн хамгийн том гүрэн АНУ-ын ерөнхийлөгч Барак Обамагийн гэр бүлийн  2014 оны орлого нь түүний сууцнуудын үнээс тав дахин бага болж байна.