Альпын нуруунд сүйрсэн зорчигч тээврийн Airbus A320 онгоцны нисгэгч Андреас Лубиц планшетдаа өөрийгөө “Тэнгэрийн шулам” хэмээн бичсэн байсныг үүнийг судалсан хуулийнхан илрүүлсэн байна.

Дюссельдорфын прокурор үүний өмнө Лубицын компьютерт амиа хорлох аргууд, нисгэгчийн кабин онгойлгох төхөөрөг зэргийн тухай мэдээлэл  байсныг илрүүлсэн гэж  мэдэгдэж байсан юм. Мөн агаарын тээврийн Lufthansa компани Лубиц бүр 2009 онд өөрийгөө сэтгэцийн өөрчлөлттэй хэмээн ажил олгогчдо мэдэгдэж байсан, харамсалтай нь түүний ажиллаж байсан Lufthansa-ын охин компани Germanwings-ийн түүнийг эмчилгээнд явуулалгүй, шинжилгээгээр тэр эрүүл гэж гарсан байжээ.

Өнгөрсөн 3-ны өдөр мөрдөн байцаагчдын хүлээж авсан онгоцны хоёр дахь “хар хайрцганд”  онгоцыг хоёрдугаар нисгэгч нь сүйрүүлсэн баталгаа байсан юм. Эхний “хар хайрцганд” ч гэсэн Лубиц онгоцны кабинд ганцаараа байхад онгоц 30 метр хүртэл доошилж байсан нь бичигдсэн байжээ.
Германы агаарын тээврийн Germanwings компанийн Airbus A320 онгоц Барселоноос Дюссельдорф  руу 150 зорчигтой нисч яваад гуравдугаар сарын 24-нд уул мөргөн осолдсон юм.