Америкийн Кентукки мужийн Луисвилл хотод нэгэн эмэгтэй авто машины түгжрэлд ороод эмнэлэгт очиж амжилгүй машин дотроо хүүхдээ төрүүлжээ. Одоо эх хүүхэд хоёрыг эмнэлэгт хүргээд, бие нь сайн байна хэмээн хэвлэлүүд мэдээлж байна.
Өнгөрсөн зун Лос-Анжелос хотод мөн нэгэн эмэгтэй төрөх нь болоод эмнэлэг рүү явж байсан ч автомашины түгжрэлд ороод 30 минут хүлээн зогсох үедээ хүүхдээ төрүүлсэн явдал гарч байсан юм. Тэр үед тэнд АНУ-ын ерөнхийлөгч Барак Обама очих таарч хотын гудамжуудад хөдөлгөөнийг хаагаад байсан юм.