ОХУ-ын нийслэл Москва хотын хамгийн том “Хүүхдийн ертөнц”  дэлгүүрийн удирдлага худалдаа эрхлэгчдийн өөрсдийн түрээсэлж байгаа лангуун дээр худалдаалж байгаа барааны төлөө хариуцлага хүлээхгүй гэж мэдэгдсэн байна. Энэ дэлгүүрт нацист германы үеийн цэрэг, офицерын хувцастай тоглоомууд худалдаж байсны төлөө  эрүүгийн хэрэг үүсгэсний дараа ийм мэдээлэл хийлээ хэмээн РИА Новости агентлаг мэдээлжээ.
Москвагийн Театрын гудамж дахь хүүхдийн барааны энэ  дэлгүүр фашист германы 1939-1945 оны үеийн СС-ийн цэргүүдийн дүр бүхий цээж баримал худалдаалж байна хэмээн эрүүгийн хэрэг үүсгэн шалгаж эхэлсэн юм.
Хууль сахиулагчид энэ тоглоомыг хаана үйлдвэрлэж, хаанаас оруулж ирж байгааг  мөрдөн шалгаж эхэлсэн байна.