Туркийн Стамбул хотын шүүхийн байранд барьцаалагдаад байсан прокурор Мехмет Сели Киразыг сулласны дараа эмнэлэгт очоод шархны улмаас нас барсан байна. Туркийн ерөнхийлөгч Тайип Эрдагоны мэдэгдсэнээр бол Кираз таван ч шарх авсан байжээ.
Туркийн Зонгулдак, Ардахан хотоос гаралтай “Ардын чөлөөлөх хувьсгалт фронт” гэдэг зүүний эсэргүүцлийн хөдөлгөөний дайчид Кираз прокурорыг Стамбулын шүүхийн байранд барьцаалж толгойд нь гар буу талган дарамталсан байна. Прокурор Кираз нь засгийн газрын эсрэг үймээний үеэр амь алдсан 15 настай Беркин Элваны хэргийг хянаж байсан юм байна. Үүнээс үүдээд барьцаалагч этгээдүүд Элваныг буудсан цагдаагийнхныг “ардын шүүхээр” оруулах ёстой гэж шаарджээ. Барьцаалагчид мөн Элваныг буудсан хэмээн сэжиглэж байгаа  цагдаагийн ажилтнуудын нэрийг зарлахыг шаардаж байсан юм.