Олон улсын хүүхдийн эрхийн өдрөөр Ерөнхий сайдынх бяцхан зочдын хөлд дарагдав. Энэ өдөр Их Тэнгэр дэх Ерөнхий сайдын өргөөнд 40 гаруй хүүхэд зочлон очжээ. Асран хүмүүжүүлэх төвд амьдардаг, хөдөлмөр эрхэлдэг гээд амьдралын эрээн барааныг үеийнхнээсээ түрүүлж үзэж амссан хүүхдүүдийг энд урьжээ. Тэдэнтэй хамт сагсан бөмбөгийн Мөрөөдлийн багийн төлөөлөл ч Ерөнхий сайдынд зочилсон байна. Баярынхаа өдөр улсынхаа хамгийн том дарга нарын нэгтэй уулзсаных хүүхэд багачууд тоглоомын талбай олон болоосой гэж хүсч байгаагаа хэлж амжжээ. Тэд бас том болоод нисэгч, кино продюсер, бүр олимпын аварга болно хэмээн өөр хоорондоо мөрөөдлөө хуваалцаж, Ерөнхий сайдын бага хүүгийн төгөлдөр хуур тоглохыг сонсч, өөрсдөө ч авьяасаа үзүүлэн, бас сагс тоглон цөөнгүй цагийг зугаатай өнгөрөөжээ.