Хятадын Төрийн аюулгүй байдлын яамны дэд сайд асан  Ма Зян зургаан нууц амрагтай, гэр бүлээс гадуур хоёр хүүхэдтэй болохыг ХКН-ын Төв комисс шалган тогтоож зарласан байна. Мөрдөн шалгах үеэр хятадын сөрөг тагнуулын албыг удирдаж байсан 59 настай Ма Зян Бээжинд зургаан байр эзэмшиж эндээ нууц амрагуудаа нууж байсны хоёр нь аюулаас хамгаалах  албанд ажилладаг байсан гэнэ.
Ма Зян нь хятадын төрийн аюулгүй байдлын албанаас  анх удаагаа авлигын хэрэгт холбогдон шалгуулж байгаа хүн юм. Түүнийг хятадаас зугтаасан олигарх Го Вэньгуягаас авлига авсан хэрэгт сэжиглэн нэгдүгээр сарын 12-нд саатуулан шалгаж байгаа юм. Түүнтэй хамт Магийн нарийн бичгийн дарга, Го Вэньгуягийн корпорацид өндөр алба хашиж байсан төрсөн дүү Лунг нь бас баривчилсан байна.
Энэ хяналт шалгалтыг  Си Зинпиний эхлүүлсэн авлигын эсрэг кампанит ажлын хүрээнд хийж байгаа юм.