Монгол-Япон улсын хооронд дипломат харилцаа тогтоосны 40 жилийн ойн хүрээнд ерөнхий боловсролын сургуулийн сурагчдын дунд “Япон дууг хэн сайн дуулах вэ?” уралдаан зохиохоор болжээ. Уралдааныг Японы нэрт хөгжмийн зохиолч Эндо Минорүгийн үүсгэн байгуулсан “Эндо Минору” сангийн санаачилга, ивээн тэтгэлгээр хөгжмийн зохиолч Н.Жанцанноровын үүсгэн байгуулсан “Жанцанноров сан”, Нийслэлийн Боловсролын газар хамтран зохион байгуулах аж. Уралдааны шалгаруулалт ирэх сарын 2-нд Монголын хүүхдийн ордонд болно.