Японы нийслэл Токиогийн Ясукунийн сүмийн дэргэдэх “хяналтын мод”  сакурагийн эхний бут даваа гарагийн өглөө дэлбээгээ дэлгэж эхэллээ. “Токиод сакура цэцэглэж эхэллээ” гэж орон нутгийн цаг уурын албаны мэдээллээс иш татан NHK телевиз мэдээлсэн байна.

Цаг уурчдын мэдээлж байгаагаар бол энэ жил сакура өмнөх 2014 оныхыг бодвол хоёр хоногийн өмнө эхэлж байгаа гэнэ. Хамгийн эхний цэцэг өмнө зүгийн Кагосима хотод гуравдугаар сарын 21-нд гарчээ. Харин умар зүгийн Хоккайдо аралд болохоор сакура бүр тавдугаар сарын дундуур цэцэглэдэг байна.