Анагаах ухааны сургуулийн хэсэг британи оюутан Сири дэх Лалын улс зэвсэгт бүлэглэлийн террористуудтай нэгдэхээр Суданаас турк рүү зугтсан гэсэн мэдээлэл үнэн болохыг хэвлэлүүд  мэдээллээ. Суданы  Хартумд суралцаж байсан  таван эрэгтэй, дөрвөн эмэгтэй оюутан долоо хоногийн өмнө Сирийн хилийг давжээ. Суданаас Их Британид цагаачилж очсон иргэдийн 20 настай энэ залуучууд Британид өсч, Хартумд боловсрол эзэмшсэн атал хэрхэн алан хядагч  “Ирак Левантын лалын улс”-ын зэвсэгт дайчидтай холбоо тогтоож, тэдний үзэл сурталд автсаныг хэн ч тайлбарлаагүй байна.
Зугтаасан оюутнуудын эцэг эх нь хэдийнээ хүүхдүүдээ эрж хайхаар замд гарсан гэнэ.