Авлигатай тэмцэх газрын Мөрдөн шалгах хэлтсийн байцаагч н.Одхүү хуурамч дипломтой гэдгийг эх сурвалж хэлсэн юм. Тэрээр тус байгууллагад гурван жил ажилласан нэгэн гэнэ. Тус газрын Тамгын хэлтсийн дарга Ч.Өнөрбаяр энэ тухайд “Авлигатай тэмцэх газрын даргын дэргэдэх Аюулгүй байдлын албанаас саяхан албан хаагчдынхаа боловсролын  бичиг баримтад шалгалт хийсэн. Эл шалгалтаар Мөрдөн шалгах албаны байцаагчийн диплом асуудалтай байсан нь илэрсэн.  Гэхдээ хуурамч диплом ашигласан гэж хэлж болохгүй. Түүний хувьд  хичээлдээ суухгүй явсаар байгаад төгсөхдөө  дипломоо худалдаад авчихсан юм байна билээ”  гэх тайлбарыг хийсэн байна билээ.