Япон дахь АНУ-ын Элчин сайд Кэролин Кеннедигийн амь насыг хөнөөнө гэсэн заналхийлэл иржээ. Ерөнхийлөгч агсан Жон Кеннедигийн охин Кэролин Кеннедиг юуны учир заналхийлснийг, хэн үүний ард байгааг Японы хууль хяналтын байгууллагынхан шалгаж байна. Энэ явдлыг АНУ-ын Төрийн департамэнт ч ноцтойгоор авч үзэж байгаагаа мэдэгдлээ.  Хагас сарын өмнө Сөүл дэх АНУ-ын Элчин сайд Марк Липперт хутгатай этгээдийн халдлагад өртөж, нүүрэндээ гэмтэл авсан. Энэ явдлаас хойш төд удаагүй өөр нэг Элчин сайдыг ийн заналхийлсэн нь анхаарал татаж байна. Тэр тусмаа эцэг Жон Кеннеди нь бусдын гарт амиа алдсан, экс Ерөнхийлөгчийн охиныг чиглэсэн учраас АНУ төдийгүй Японы тал ч нухацтай хандаж байгаа аж.