Хэдийгээр Кремль няцаасаар байгаа ч гимнастикч Алина Кабаева бүсгүй ОХУ-ын төрийн тэргүүн Владимир Путины бас нэг хүүхдийг төрүүллээ хэмээн барууны хэвлэлүүд бичиж байна. Италийн хэвлэл, мэдээллийн сайтууд яг ингэж бичжээ.
Швейцарийн Гэгээн Аннын эмнэлэгт Алина Кабаеваг төрсөн гэж бичжээ. ОХУ-ын ерөнхийлөгчийн хэвлэлийн нарийн бичгийн дарга Дмитрий Песков үүнийг албан ёсоор няцаасаар байгаа ч итали, швейцарийн хэвлэлүүд энэ сэдвээс нэг их хөндийрөхийг бодохгүй бичсээр байна. Тэдний хувьд овоо босгоогүй бол шаазгай юунд суух вэ гэдгийг л баримталж байгаа бололтой.

Путины хэвлэлийн нарийн бичгийн дарга Дмитрий Песков “Хэн мөнгөтэй нь сэтгүүлчдийг ямар нэгэн худал юм бичих уралдаанд уриалж чаддаг шүү дээ гэж хэлмээр байна” гэжээ.

Владимир Путин, гимнастикч Алина Кабаева нарын дурлалын тухай түүх 2009 онд эхэлсэн юм. Тэгэхэд Кабаева Москвадп хүү төрүүлж Дмитрий Медведевийн нэрийг онцолж Дмитрий хэмээн нэрлэсэн. 2012 онд Кабаева бүсгүй ерөнхийлөгч Путины хүүхдийг төрүүллээ гэсэн яриа анх гарчээ. Гэтэл 2013 оны зургадугаар сард Владимир Путин эхнэр людмилагаас салсан нь гал дээр тос нэмсэн шиг энэ яриаг улам нэмсэн юм.

ОХУ-ын ерөнхийлөгч Владимир Путин өнөөдөртөө албан ёсоор ганц бие гэж яваа юм.